ముంబై : టీమిండియా క్రికెటర్ హార్దిక్ పాండ్యా(Hardik Pandya), భార్య నటాషా స్టాంకోవిక్ .. విడిపోతున్నట్లు ఇటీవల సోషల్ మీడియా ద్వారా ప్రకటించిన విషయం తెలిసిందే. మ్యారేజ్ బాండ్కు బ్రేకప్ చెప్పిన ఆ జంట.. కొత్త లైఫ్ లీడ్ చేస్తోంది. సెర్బియాకు చెందిన నటాషా తన కుమారుడు నాలుగేళ్ల అగస్త్యతో కలిసి స్వంత దేశానికి వెళ్లిపోయింది. అక్కడ ఇటీవల ఆమె ఓ మ్యూజియంను విజిట్ చేసింది. మ్యూజియంలో దిగిన ఫోటోలను నటాషా తన ఇన్స్టాగ్రామ్లో పోస్టు చేసింది.
ఆ ఫోటోలకు రియాక్ట్ అయ్యాడు హార్దిక్ పాండ్యా. సూపర్ అంటూ ఎమోజీలతో తన ఎమోషన్ను ఎక్స్ప్రెస్ చేశాడు. హార్దిక్ పాండ్యా ఇచ్చిన రియాక్షన్కు.. సోషల్ మీడియాలో ప్రశంసలు వస్తున్నాయి. హార్దిక్ పాండ్యాను గౌరవిద్దాం అంటూ కొందరు కామెంట్ చేశారు. పాండ్యాతో బ్రేకప్ చెప్పిన నటాషాకు.. ఆన్లైన్లో ట్రోలింగ్ జరుగుతోంది. జూలై 19వ తేదీన ఆ ఇద్దరూ ఇన్స్టాలో బ్రేకప్ గురించి ఓ పోస్టు చేశారు.
2018లో తొలిసారి ఇద్దరి మధ్య పరిచయమైంది. 2019లో ఇన్స్టా పోస్టు ద్వారా రిలేషన్ గురించి బయటపెట్టారు. 2020, జనవరి ఒకటో తేదీన ఆ ఇద్దరూ ఎంగేజ్ అయ్యారు. ఆ ఏడాదే జూలైలో కుమారుడు అగస్త్య జన్మించారు.