హైదరాబాద్, ఆట ప్రతినిధి: ప్రతిష్ఠాత్మక టీ20 ప్రపంచకప్లో చారిత్రక విజయం సాధించిన భారత జట్టులో సభ్యుడైన హైదరాబాదీ స్పీడ్స్టర్ మహమ్మద్ సిరాజ్పై ప్రశంసల వర్షం కురుస్తూనే ఉన్నది. అంతర్జాతీయ వేదికపై రాష్ట్ర ఖ్యాతిని ఇనుడింపజేసిన సిరాజ్ను సీఎం రేవంత్రెడ్డి ప్రత్యేకంగా అభినందించారు. మంగళవారం ముఖ్యమంత్రిని సిరాజ్ ఆయన నివాసంలో మర్యాదపూర్వకంగా కలిశాడు. ఈ సందర్భంగా సిరాజ్ను సీఎం ఘనంగా సన్మానించారు.
‘అంతర్జాతీయ క్రికెట్లో అతను అద్భుత ప్రదర్శన కనబరుస్తున్నాడు. ప్రస్తుతం అత్యున్నత క్రికెటర్ల సరసన సిరాజ్ నిలిచాడు’ అని ప్రశంసించాడు. ఇదిలా ఉంటే రాష్ట్ర ప్రభుత్వం తరఫున ఉద్యోగంతో పాటు ఇంటి స్థలం కేటాయించాలని అధికారులను ఆదేశించారు. హైదరాబాద్ లేదా నగరం చుట్టుపక్కల ప్రాంతాల్లో అనువైన స్థలాన్ని గుర్తించి చర్యలు తీసుకోవాల్సిందిగా సీఎం పేర్కొన్నారు.