భారత యువ షట్లర్ లక్ష్యసేన్ మరోసారి చో టైన్ చెన్ చేతిలో పరాజయం పాలయ్యాడు. భారత జట్టు ప్రతిష్ఠాత్మకంగా గెలిచిన థామస్ కప్లో కూడా గ్రూప్ దశ్లో టై చేతిలో లక్ష్యసేన్ ఓటమి పాలయ్యాడు. ఇప్పుడు ఇండోనేషియన్ మాస్టర్స్ సూపర్ 500 క్వార్టర్స్ ఫైనల్లో అదే ఫలితం రిపీట్ అయింది. ఒక గంటా రెండు నిమిషాలపాటు జరిగిన మ్యాచ్లో లక్ష్యసేన్పై టై ఆధిపత్యం ప్రదర్శించాడు.
తొలి రౌండ్ను 21-16తో ఖాతాలో వేసుకున్నాడు. అయితే రెండో రౌండ్లో పుంజుకున్న లక్ష్యసేన్ 12-21తో ధాటిగా బదులిచ్చాడు. అయితే నిర్ణయాత్మక మూడో రౌండ్లో మరోసారి లక్ష్యసేన్ దెబ్బతిన్నాడు. 21-14 తేడాతో పరాజయం పాలయ్యాడు. దీంతో టై మ్యాచ్లో విజయం సాధించి టోర్నీలో ముందంజ వేశాడు.