హైదరాబాద్, ఆట ప్రతినిధి: ప్రతిష్ఠాత్మక పారిస్ ఒలింపిక్స్లో పోటీపడుతున్న భారత ప్లేయర్లకు బీఆర్ఎస్ వర్కింగ్ ప్రెసిడెంట్ కేటీఆర్ ఆల్ ద బెస్ట్ చెప్పారు. శుక్రవారం మొదలైన విశ్వక్రీడల్లో భారత్ తరఫున ప్రాతినిధ్యం వహిస్తున్న 117 మంది ప్లేయర్లను దేశ ప్రజలంతా ఉత్సాహపర్చలన్నారు. టోక్యో(2020) ఒలింపిక్స్లో సాధించిన పతకాల(7) రికార్డును ఈసారి అధిగమించాలని కేటీఆర్ ఆశాభావం వ్యక్తం చేశారు. ప్లేయర్లందరూ తమ అత్యుత్తమ ప్రదర్శనతో విజయం సాధిస్తారన్న విశ్వాసాన్ని వ్యక్తం చేసిన కేటీఆర్ వారందరికీ హృదయపూర్వక అభినందనలు తెలిపారు. ప్రతీ క్రీడాకారుడు అత్యుత్తమ ప్రదర్శనతో దేశానికి కీర్తి, ప్రతిష్ఠలు తీసుకురావాలన్నారు. ఒలింపిక్స్లో పోటీపడుతున్న తెలుగు ప్లేయర్లు నిఖత్జరీన్, ఇసాసింగ్, పీవీ సింధు, ఆకుల శ్రీజ, జ్యోతి, జ్యోతికశ్రీ, సాత్విక్సాయిరాజ్, ధీరజ్కు ప్రత్యేక శుభాకాంక్షలు తెలిపారు. పతకధారులు సింధు, శరత్కమల్తో పాటు భారత చెఫ్ డీ మిషన్ గగన్ నారంగ్ను కేటీఆర్ అభినందించారు.