Kohli – Shakib : భారత స్టార్ ఆటగాడు విరాట్ కోహ్లీ(Virat Kohli) మరో ఘనత సాధించాడు. టీ20 వరల్డ్ కప్లో భారీ స్కోర్ కొట్టకపోయినా ప్రపంచ క్రికెట్లో పరుగుల వీరుడిగా రికార్డు నెలకొల్పాడు. వన్డే, టీ20 వరల్డ్ కప్లలో 3 వేల రన్స్ కొట్టిన తొలి బ్యాటర్గా కోహ్లీ చరిత్రకెక్కాడు.
అంటిగ్వా వేదికగా సూపర్ 8 మ్యాచ్లో బంగ్లాదేశ్పై 37 రన్స్ చేసిన విరాట్ ఈ మైలురాయికి చేరుకున్నాడు. ఇప్పటివరకూ పొట్టి వరల్డ్ కప్లో కోహ్లీ 32 మ్యాచ్లు ఆడి 1,207 రన్స్ బాదాడు. మొత్తంగా రెండింటిలో కలిపి 69 మ్యాచుల్లో 3,002 పరుగులు సాధించాడు.
మరోవైపు బంగ్లాదేశ్ ఆల్రౌండర్ షకీబుల్ హసన్(Shakib Al Hasan) 50 వికెట్లతో చరిత్ర సృష్టించాడు. టీ20 వరల్డ్ కప్లో ఈ ఫీట్ సాధించిన తొలి బౌలర్గా షకీబ్ రికార్డు నెలకొల్పాడు. సూపర్ 8 మ్యాచ్లో భారత కెప్టెన్ రోహిత్ శర్మ(Rohit Sharma)ను ఔట్ చేసి అతడు 50 వికెట్ ఖాతాలో వేసుకున్నాడు. మొత్తంగా 40 ఇన్నింగ్స్ల్లో 19.50 సగటుతో షకీబ్ వికెట్ల హాఫ్ సెంచరీ కొట్టాడు.
అంతేకాదు ఏకంగా మూడుసార్లు నాలుగు వికెట్ల ప్రదర్శన చేశాడు. ఇదే కాకుండా అత్యధిక వరల్డ్ కప్లు ఆడిన ఆటగాడిగానూ షకీబ్ రికార్డు పుస్తకాల్లోకి ఎక్కాడు. ప్రపంచంలోనే మేటి ఆల్రౌండర్లలో ఒకడైన అతడికి ఇది తొమ్మిదో( వన్డే, టీ20 వరల్డ్ కప్ కలిపి) ప్రపంచ కప్ కావడం విశేషం.