హైదరాబాద్, నమస్తే తెలంగాణ: హైదరాబాద్ క్రికెట్ అసోసియేషన్(హెచ్సీఏ) ఎథిక్స్ అధికారిగా ఉమ్మడి హైకోర్టు మాజీ న్యాయమూర్తి, ఎన్సీబీసీ మాజీ చైర్మన్ జస్టిస్ ఈశ్వరయ్య బాధ్యతలు స్వీకరించారు. మంగళవారం ఉప్పల్ రాజీవ్గాంధీ స్టేడియంలో జస్టిస్ ఈశ్వరయ్యకు హెచ్సీఏ కార్యదర్శి దేవరాజ్, ఇతర పాలకవర్గ సభ్యులు స్వాగతం పలికారు. సంవత్సరం పాటు పదవిలో కొనసాగనున్న ఆయనను సభ్యులకు, ఇతర అధికారులకు పరిచయం చేశారు. ఈ కార్యక్రమంలో హెచ్సీఏ ఉపాధ్యక్షుడు దల్జీత్సింగ్, సంయుక్త కార్యదర్శి బసవరాజు, కోశాధికారి శ్రీనివాసరావు, సీఈవో సునీల్ తదితరులు పాల్గొన్నారు.