Inzamam-ul-Haq : భారత కెప్టెన్ రోహిత్ శర్మ(Rohit Sharma)కు పాకిస్థాన్ దిగ్గజం ఇంజమామ్ ఉల్ హక్(Inzamam-ul-Haq) కౌంటర్ ఇచ్చాడు. బాల్ ట్యాంపరింగ్ వ్యవహారంపై హిట్మ్యాన్ కామెంట్పై స్పందిస్తూ.. ‘బంతి రివర్స్ సింగ్ ఎలా అవుతుంది? ఏ పిచ్ మీద అవుతుంది? వంటి విషయాలను రోహిత్ మాకు చెప్పాల్సిన అవసరం లేదు. అతడు రివర్స్ స్వింగ్ గురించి ఒక టీచర్కే పాఠాలు చెప్పాల్సిన పని లేదు’ అని ఇంజమామ్ మండిపడ్డాడు. ఆస్ట్రేలియాతో సూపర్ 8 మ్యాచ్ తర్వాత నుంచి రోహిత్, ఇంజీల మధ్య బాల్ ట్యాంపరింగ్ వివాదంపై మాటల యుద్ధం నడుస్తోంది.
అసలేం జరిగిందంటే..? సూపర్ 8 ఆఖరి మ్యాచ్లో భారత జట్టు ఆసీస్ను చిత్తు చేసింది. ఆ మ్యాచ్లో యువ పేసర్ అర్ష్దీప్ సింగ్ అద్భుతంగా రాణించాడు. అయితే.. టీమిండియా విక్టరీపై ఓ టీవీ చర్చలో మాట్లాడిన ఇంజమామ్.. అర్ష్దీప్ బాల్ ట్యాంపరింగ్కు పాల్పడి ఉంటాడని ఆరోపించాడు. దాంతో, రోహిత్ పాక్ లెజెండ్కు గట్టిగా బుద్ది చెప్పాలని భావించాడు.
Inzamam-ul-Haq accusing the Indian team of ball-tampering during their match against Australia #T20WorldCup #Cricket (via News 24) pic.twitter.com/rUi8egN847
— Saj Sadiq (@SajSadiqCricket) June 26, 2024
‘ఇంజమామ్ కాస్త బుర్రకు పని పెట్టాలి. ఆటగాళ్లు ఏ పరిస్థితుల్లో ఆడుతున్నారో అర్దం చేసుకోవాలి. తేమ ఎక్కువగా ఉండి.. పిచ్ పొడిగా ఉన్నప్పుడు బంతి సహజంగానే రివర్స్ సింగ్ అవుతుంది’ అని రోహిత్ అన్నాడు. దాంతో, ఇంజమామ్కు చిర్రెత్తుకొచ్చినట్టు ఉంది. అందుకని అతడు రోహిత్ను ఉద్దేశించి ‘ఒక గురువుకే నువ్వు రివర్స్ సింగ్ పాఠాలు చెప్పాలని చూస్తున్నావ్?’ అన్నట్టు బదులిచ్చాడు.