IPL 2024 : ఐపీఎల్ 17వ సీజన్లో వరుస విజయాలతో జోరుమీదున్న లక్నో సూపర్ జెయింట్స్(Lucknow Super Giants)కు ఊహించని షాక్. ఆ జట్టు స్టార్ పేసర్ శివం మావి(Shivam Mavi) టోర్నీ మొత్తానికి దూరమయ్యాడు. గాయం కారణంగా ఈ స్పీడ్స్టర్ సీజన్ నుంచి వైదొలిగాడు. ఈ విషయాన్ని బుధవారం లక్నో ఫ్రాంచైజీ ఎక్స్ వేదికగా వెల్లడించింది. ‘గాయాల నుంచి కోలుకుని జట్టుతో కలిశాను. కానీ, మళ్లీ గాయపడ్డాడు. దాంతో, సీజన్ మొత్తానికి దూరమవుతున్నా. త్వరలోనే నేను పూర్తి ఆరోగ్యంతో మీ ముందుకు వస్తాను’ అని మావి తెలిపాడు.
పదిహేడో సీజన్ మినీ వేలంలో రూ.6.4 కోట్లు పలికిన శివం మావి.. ఈ సీజన్లో ఒక్క మ్యాచ్ ఆడలేదు. అతడి స్థానంలో ఎవరిని తీసుకుంటారు? అనేది ఇంకా తెలియాల్సి ఉంది. ఇప్పటికైతే లక్నో పేస్ యూనిట్లో గబ్బా టెస్టు హీరో షమర్ జోసెఫ్, యశ్ ఠాకూర్, మయాంక్ యాదవ్, స్టోయినిస్లు ఉన్నారు.
You’ll come back stronger, Shivam. And we’re with you all the way. 💙 pic.twitter.com/zYSs3URV1p
— Lucknow Super Giants (@LucknowIPL) April 3, 2024
ఐపీఎల్లో ప్లే ఆఫ్స్ గండం దాటలేకపోయిన లక్నో జట్టు ఈసారి అదరగొడుతోంది. మయాంక్ యాదవ్ సంచలన బౌలింగ్ ప్రదర్శనతో ప్రత్యర్థుల వెన్నులో వణుకుపుట్టిస్తుండగా.. బ్యాటింగ్లో నికోలస్ పూరన్, క్వింటన్ డికాక్లు బాదేస్తున్నారు. దాంతో, లక్నో మ్యాచ్ మ్యాచ్కు మరింత ప్రమాదకరంగా కనిపిస్తోంది.
మంగళవారం చిన్నస్వామి స్టేడియంలో రాహుల్ సేన అద్భుత విజయంతో బెంగళూరుకు మూడో ఓటమి అందించింది. డికాక్ 84, పూరన్(40 నాటౌట్)ల విధ్వంసంతో భారీ స్కోర్ కొట్టిన లక్నో ఆ తర్వాత ఆర్సీబీని అల్లాడించింది. మయాంక్ తన పేస్ పవర్తో బెంగళూరు నడ్డివిరిచాడు. ఆ తర్వాత నవీన్ ఉల్ హక్, స్టోయినిస్ కూడా ఓ చేయి వేసి లక్నోను 28 పరుగులతో గెలిపించారు.