Chetan Sakariya : భారత యువ క్రికెటర్ చేతన్ సకారియా (Chetan Sakariya) పెండ్లి చేసుకున్నాడు. ఇండియన్ ప్రీమియర్ లీగ్తో వెలుగులోకి వచ్చిన సకారియా మంగళవారం మేఘనా జంబుచా (Meghna Jambhucha)ను పరిణయమాడాడు. తమ జీవితంలో అద్భుతమైన క్షణాలకు సంబంధించిన ఫొటోలను ఈ యంగ్ స్పీడ్స్టర్ ఇన్స్టాగ్రామ్ వేదికగా అభిమానులతో పంచుకున్నాడు.
‘ఈ రోజుతో నేను నీవయ్యాను. నువ్వు నేనయ్యాను’ అంటూ రెండు వాఖ్యాల్లో తమ బంధాన్ని వర్ణించాడు. వివాహ వేడుక సందర్భంగా సంప్రదాయ దుస్తుల్లో సకారియా, మేఘన మెరిసిపోతున్న ఫొటోలు చూసినవాళ్లంతా కొత్త జంటకు అభినందనలు వెల్లువెత్తుతున్నాయి. భారత క్రికెటర్లు, ఐపీఎల్ సహచరులు సకారియాకు కంగ్రాట్స్ చెప్తూ సోషల్ మీడియాలో పోస్ట్లు పెడుతున్నారు.
ఐపీఎల్ 17వ సీజన్ మినీ వేలానికి ముందే సకారియా, మేఘనల ఎంగేజ్మెంట్ జరిగింది. తాజాగా కుటుంబసభ్యులు, బంధుమిత్రుల సమక్షంలో ఇద్దరూ మూడుముళ్ల బంధంతో ఒక్కటయ్యారు.
దేశవాళీలో సౌరాష్ట్రకు ఆడిన సకారియా పేస్ సంచలనంగా పేరొందాడు. 2021లో ఐపీఎల్ అరంగేట్రం చేసిన ఈ యంగ్స్టర్ తొలి సీజన్లో రాజస్థాన్ తరఫున 14 వికెట్లతో మెరిశాడు. ఐపీఎల్ ప్రదర్శనతో భారత జట్టులోకి వచ్చిన యువ క్రికెటర్లలో సకారియా ఒకడు. టీమిండియా జెర్సీతో ఒకే ఒక వన్డే, రెండు టీ20లు ఆడాడంతే. లో రాజస్థాన్ రాయల్స్, ఢిల్లీ క్యాపిటల్స్కు ప్రాతినిధ్యం వహించాడు. ఇప్పటివరకూ ఈ స్పీడ్స్టర్ 20 వికెట్లు పడగొట్టాడు.