Malaysia Open : కొత్త ఏడాదిలో తొలి టోర్నమెంట్ను విజయంతో ప్రారంభించాలి అనుకున్న భారత స్టార్ షట్లర్ సైనా నెహ్వాల్కు షాక్ తగిలింది. మలేషియా ఓపెన్లో తొలి రౌండ్లోనే ఆమె పోరాటం ముగిసింది. మాజీ వరల్డ్ నంబర్ 1 సైనా, చైనాకు చెందిన పదకొండో ర్యాంకర్ హన్ యుయీ చేతిలో ఓడిపోయింది. మూడు సెట్లలో 12-21, 21-17, 12-21తో సైనా పరాజయం పాలైంది. పురుషల సింగిల్స్లో కిదాంబి శ్రీకాంత్ కూడా ఇంటిదారి పట్టాడు. 13వ ర్యాంకర్ అయిన ఇతను తనకంటే తక్కువ ర్యాంక్లో ఉన్న జపాన్ ఆటగాడు కెంటా నిషిమొటో చేతిలో ఓటమి చవిచూశాడు. 17 ర్యాంక్లో ఉన్న నిషిమొటో వరుస సెట్లలో 21-19, 21-14తో శ్రీకాంత్పై గెలుపొందాడు.
రెండు సార్లు కామన్వెల్త్ గేమ్స్ ఛాంపియన్ అయిన సైనా, హన్ యుయూతో పోరాడి ఓడిపోయింది. తొలి సెట్ కోల్పోయిని సైనా రెండో సెట్లో పుంజుకుంది. అయితే.. నిర్ణయాత్మకమైన మూడో సెట్లో వెనకబడింది. పురుషుల విభాగంలో కెంటా నిషిమొటో 42 నిమిషాల పాటు జరిగిన మ్యాచ్లో కిదాంబి శ్రీకాంతో ఒక్క సెట్ కూడా గెలవలేదు.