Igor Stimac | ఢిల్లీ: భారత ఫుట్బాల్ హెడ్కోచ్ ఇగార్ స్టిమాక్పై వేటు పడింది. ఐదేండ్లుగా ‘బ్లూ టైగర్స్’కు హెడ్కోచ్గా ఉన్న స్టిమాక్ను ఆ పదవి నుంచి తొలగిస్తున్నట్టు ఆలిండియా ఫుట్బాల్ ఫెడరేషన్ (ఏఐఎఫ్ఎఫ్) సోమవారం ఓ ప్రకటనలో తెలిపింది. ఫిఫా వరల్డ్ కప్ -2026లో ఆసియా రీజియన్ నుంచి కీలకమైన మూడో రౌండ్కు అర్హత సాధించడంలో భారత్ దారుణంగా విఫలమైన నేపథ్యంలో ఏఐఎఫ్ఎఫ్ ఈ నిర్ణయం తీసుకుంది. ‘ఫిఫా వరల్డ్ కప్ అర్హత రౌండ్లలో భారత ప్రదర్శన తీవ్రంగా నిరాశపరిచింది. జట్టును గెలుపుబాట పట్టించేందుకు కొత్త కోచ్ అవసరమని సభ్యులంతా ఏకగ్రీవ తీర్మానం చేశారు. స్టిమాక్ పదవీకాలం ముగిసిందని ఉత్తర్వులు జారీ చేశాం.’ అని ప్రకటనలో పేర్కొంది.