Hardik Pandya | వడోదరా: వెస్టిండీస్ వేదికగా ఇటీవలే ముగిసిన ప్రతిష్ఠాత్మక టీ20 ప్రపంచకప్లో భారత్ విజేతగా నిలువడంలో కీలకంగా వ్యవహరించిన హార్దిక్పాండ్యాకు సొంతగడ్డపై ఘన స్వాగతం లభించింది. 17 ఏండ్ల సుదీర్ఘ కల సాకారమైన వేళ..పాండ్యాకు వడోదరలో అభిమానులు బ్రహ్మరథం పట్టారు.
మెగాటోర్నీ గెలిచిన తర్వాత తొలిసారి సొంత ఇలాఖాకు వచ్చిన పాండ్యాను ఫ్యాన్స్ మంగళవారం భారీగా ఊరేగించారు. రోడ్డుకు ఇరువైపులా బారులు తీరిన అభిమానులు..హార్దిక్ హార్దిక్ అంటూ పెద్ద ఎత్తున నినాదాలు చేస్తూ ముందుకు సాగారు. అభిమానుల హోరు మధ్య పాండ్యా ఓపెన్బస్లో అభివాదం చేశాడు. ప్రస్తుతం ఈ వీడియో సోషల్మీడియాలో వైరల్గా మారింది.