బెంగళూరు: స్వదేశంలో దక్షిణాఫ్రికాతో జరిగిన మూడు వన్డేల సిరీస్ను భారత మహిళల జట్టు 3-0తో క్లీన్స్వీప్ చేసింది. ఇప్పటికే సిరీస్ సొంతం చేసుకున్న హర్మన్ప్రీత్ కౌర్ సేన.. ఆదివారం బెంగళూరు వేదికగా జరిగిన నామమాత్రపు మ్యాచ్లో 6 వికెట్ల తేడాతో గెలిచింది. మొదట బ్యాటింగ్ చేసిన దక్షిణాఫ్రికా 50 ఓవర్లలో 215/8కే పరిమితమైంది.
ఆ జట్టు సారథి లారా వోల్వార్డ్ (61) రాణించింది. దీప్తి శర్మ (2/27), అరుంధతి రెడ్డి (2/36) సఫారీలను కట్టడిచేశారు. ఛేదనను భారత్ 40.4 ఓవర్లలోనే (220/4) పూర్తిచేసింది. ఈ సిరీస్లో వరుసగా రెండు శతకాలు చేసిన ఓపెనర్ స్మృతి మంధాన (83 బంతుల్లో 90, 11 ఫోర్లు) తృటిలో మూడో శతకాన్ని చేజార్చుకున్నా మరో మ్యాచ్ విన్నింగ్ ఇన్నింగ్స్ ఆడింది. దీప్తికి ‘ప్లేయర్ ఆఫ్ ద మ్యాచ్’, మంధానకు ‘ప్లేయర్ ఆఫ్ ద సిరీస్’ దక్కాయి. ఇరుజట్ల మధ్య ఈనెల 28న చెన్నై వేదికగా ఏకైక టెస్టు జరుగనుంది.