సౌతాఫ్రికాతో జరుగుతున్న నాలుగో మ్యాచ్లో భారత జట్టు అద్భుత విజయం సాధించింది. అంతకుముందు టాస్ ఓడి బ్యాటింగ్కు వచ్చిన భారత జట్టు దినేష్ కార్తీక్ (55), హార్దిక్ పాండ్యా (46) రాణించడంతో 169 పరుగులు చేసింది. లక్ష్య ఛేదనలో సౌతాఫ్రికా ఏ కోశానా పోటీ ఇవ్వలేదు. ఆరంభంలోనే భుజానికి గాయం అవడంతో సఫారీ సారధి టెంబా బవుమా (8) మైదానం వీడాడు.
ఆ తర్వాత కాసేపటికే కమ్యూనికేషన్ సరిగా లేకపోవడంతో డీకాక్ (14) రనౌట్ అయ్యాడు. ఆరు బంతులు ఎదుర్కొన్న తర్వాత కూడా ఖాతా తెరవని ప్రిటోరియస్ (0)ను ఆవేష్ ఖాన్ పెవిలియన్ చేర్చాడు. హెన్రిక్ క్లాసెన్ (8), డేవిడ్ మిల్లర్ (9) కూడా విఫలమయ్యారు. ఎన్నో ఆశలు పెట్టుకున్న రాసీ వాన్ డర్ డస్సెన్ (20) కూడా ఆవేష్ ఖాన్ బౌలింగ్లో అవుటయ్యాడు.
మార్కో జాన్సెన్ (12), కేశవ్ మహరాజ్ (0)ను కూడా ఆవేష్ అదే ఓవర్లో పెవిలియన్ చేర్చాడు. దీంతో ఆ జట్టు ఓటమి ఖాయమైంది. ఆన్రిచ్ నోర్జీ (1), లుంగి ఎన్గిడీ (4) అవుటైన తర్వాత కూడా బవుమా మళ్లీ క్రీజులోకి రాలేదు. దీంతో భారత జట్టు ఏకంగా 82 పరుగుల తేడాతో ఘనవిజయం సాధించింది.
ఈ విజయంతో 5 మ్యాచుల టీ20 సిరీస్ 2-2తో సమం అయింది. భారత బౌలర్లలో ఆవేష్ ఖాన్ 4 వికెట్లతో చెలరేగాడు. చాహల్ రెండు వికెట్లు తీయగా.. అక్షర్ పటేల్, హర్షల్ పటేల్ చెరో వికెట్ తీసుకున్నారు.
India level the five-match T20I series 2-2 against South Africa.#INDvSA pic.twitter.com/fUx7lSaJGE
— CricTracker (@Cricketracker) June 17, 2022