హైదరాబాద్, ఆట ప్రతినిధి: సాన్ సాల్వడార్ వేదికగా జరిగిన ఎల్సాల్వడార్ అంతర్జాతీయ బ్యాడ్మింటన్ టోర్నీలో రాష్ర్టానికి చెందిన కృష్ణప్రియ, తరుణ్ కోన జోడీ రజత పతకంతో మెరిసింది. సోమవారం జరిగిన మిక్స్డ్ డబుల్స్ ఫైనల్లో కృష్ణప్రియ, తరుణ్ ద్వయం 11-21, 17-21 తేడాతో అనియా సెటిన్, జొనాస్ మన్రాయ్(స్పెయిన్) చేతిలో ఓటమిపాలైంది.
అంతకుముందు జరిగిన ప్రిక్వార్టర్స్, క్వార్టర్స్, సెమీస్ మ్యాచ్ల్లో ప్రత్యర్థులను ఓడించిన ఈ యువ జోడీ ఫైనల్లో అదే జోరు కొనసాగించలేకపోయింది.