హైదరాబాద్, ఆట ప్రతినిధి: ప్రముఖ ఫుట్బాల్ క్లబ్ శ్రీనిధి డెక్కన్ అండతో హైదరాబాద్ లిటిల్ స్టార్స్ అకాడమీ ఆధ్వర్యంలో జరిగిన హైదరాబాద్ సూపర్ లీగ్ 8వ సీజన్లో క్లస్టర్స్ జట్టు విజేతగా నిలిచింది. ఫైనల్లో క్లస్టర్స్ 1-0తో గ్లాడియేటర్స్ ఎఫ్సీపై గెలిచింది.
గత నెల 12 నుంచి జూన్ 2 దాకా సాగిన ఈ సీజన్ ప్రేక్షకులను అలరించింది. తెలంగాణ యువతకు ఫుట్బాల్లో అవకాశాలను మరింత పెంచడానికి ఈ లీగ్ను నిర్వహిస్తున్నట్టు నిర్వాహకులు తెలిపారు.