శ్రీలంక, అఫ్ఘానిస్తాన్ జట్ల మధ్య జరిగే మ్యాచ్తో ఆసియా కప్ టోర్నీ ప్రారంభం అవుతుంది. ఆ మరుసటి రోజునే భారత్, పాక్ మ్యాచ్ కూడా జరగనుంది. ఈ క్రమంలో మెగా టోర్నీలో అత్యధిక పరుగులు చేసే కెప్టెన్ ఎవరు? అని చర్చ జరుగుతోంది. దీనిపై మాజీ లెజెండ్ వసీం జాఫర్ స్పందిస్తూ.. పాక్ సారధి బాబర్ ఆజమ్ అత్యధిక పరుగులు చేస్తాడని జోస్యం చెప్పాడు.
టీమిండియా సారధి రోహిత్ కొన్ని కీలకమైన పరుగులు చేస్తాడని, కానీ అత్యధిక పరుగులు చేసే కెప్టెన్ మాత్రం బాబరేనని అన్నాడు. ప్రస్తుతం ఉన్న ఫామ్ను బట్టే జాఫర్ ఈ అంచనా వేసినట్లు కనపడుతోంది. బాబర్ ఈ ఏడాది అద్భుతమైన ఫామ్లో ఉన్నాడు. కేవలం పది మాత్రమే వైట్ బాల్ గేమ్స్ ఆడిన అతను.. వాటిలో తొమ్మిది సందర్భాల్లో 50+ స్కోర్లు చేశాడు. వీటిలో ఒకే ఒక్క టీ20 మ్యాచ్ ఉండటం గమనార్హం. గతేడాది జరిగిన టీ20 ప్రపంచకప్లో కూడా టాప్ స్కోరర్గా నిలిచాడీ పాకిస్తాన్ స్టార్.
ఇదిలా ఉండగా.. ఆసియా కప్ మ్యాచ్కు ముందు భారత్, పాక్ జట్ల సారధులు రోహిత్ శర్మ, బాబర్ ఆజమ్ కలిశారు. ప్రాక్టీస్ సందర్భంగా వీళ్లిద్దరూ కలిసి మాట్లాడుకుంటున్న వీడియో ప్రస్తుతం నెట్టింట వైరల్గా మారింది.
©️ meets ©️#AsiaCup2022 pic.twitter.com/OgnJZpM9B1
— Pakistan Cricket (@TheRealPCB) August 27, 2022