HCA | హైదరాబాద్, ఆట ప్రతినిధి: రాష్ర్టానికి చెందిన యువ ఆర్చర్ తానిపర్తి చికితారావుకు హైదరాబాద్ క్రికెట్ అసోసియేషన్(హెచ్సీఏ) అధ్యక్షుడు జగన్మోహన్రావు అండగా నిలిచారు. బుధవారం హైదరాబాద్లో తన తండ్రి శ్రీనివాసరావుతో జగన్ను మర్యాదపూర్వకంగా కలుసుకుంది.
ఈ సందర్భంగా జాతీయ స్థాయిలో తాను సాధించిన పతకాలు, విజయాల గురించి చికిత వివరించింది. నిరుపేద రైతు కుటుంబానికి చెందిన చికితారావు ఆర్థిక ఇబ్బందులను ఆయన దృష్టికి తీసుకొచ్చింది. సమస్యలు విన్న జగన్..అన్ని రకాలుగా అండగా ఉంటానని చికితకు భరోసా అందించారు.