దుబాయ్: భారత కెప్టెన్ హర్మన్ప్రీత్కౌర్, డాషింగ్ ఓపెనర్ షెఫాలీవర్మ టీ20 ర్యాంకింగ్స్లో ఆకట్టుకున్నారు. మంగళవారం ఐసీసీ విడుదల చేసిన ర్యాంకింగ్స్లో హర్మన్ప్రీత్కౌర్ ఒక ర్యాంక్ మెరుగుపర్చుకుని 11వ ర్యాంక్కు చేరుకోగా, షఫాలీ నాలుగు ర్యాంక్లు ఎగబాకి 12వ ర్యాంక్లో నిలిచింది. పాయింట్ల (618) పరంగా ఇద్దరు బ్యాటర్లు సమంగా ఉన్నారు. స్టార్ బ్యాటర్ స్మృతి మంధాన(731) ఐదో ర్యాంక్లో కొనసాగుతుండగా, టాప్-20లో భారత్ నుంచి జెమీమా రోడ్రిగ్స్(593) 19వ ర్యాంక్లో ఉంది. బౌలింగ్ ర్యాంకింగ్స్లో దీప్తిశర్మ (748), రేణుకాసింగ్ (692) వరుసగా రెండు, తొమ్మిది ర్యాంక్ల్లో ఉన్నారు.