Gukesh | చెన్నై: చదరంగంలో గత 37 ఏండ్లుగా భారత నంబర్వన్ ఆటగాడిగా కొనసాగుతున్న చెస్ దిగ్గజం విశ్వనాథన్ ఆనంద్ స్థానాన్ని యువ గ్రాండ్మాస్టర్ గుకేశ్ కైవసం చేసుకున్నాడు. ఇటీవలి కాలంలో అంతర్జాతీయ స్థాయిలో నిలకడగా రాణిస్తున్న గుకేశ్ తాజా ర్యాంకింగ్స్లో 2758 ఎలో రేటింగ్ పాయింట్స్ ఖాతాలో వేసుకున్నాడు.
1986 జూలై నుంచి భారత నంబర్వన్గా కొనసాగుతున్న ఐదుసార్లు ప్రపంచ చాంపియన్ ఆనంద్ ప్రస్తుతం 2754 పాయింట్లతో దేశంలో రెండో స్థానానికి పరిమితమయ్యాడు. ప్రపంచ ర్యాంకింగ్స్లో వీరిద్దరూ వరుసగా ఎనిమిది, తొమ్మిదో స్థానాలు దక్కించుకున్నారు. వరల్డ్ టాప్-10లోకి గుకేశ్ రావడం ఇదే తొలిసారి. ఫిడే చెస్ ప్రపంచకప్లో రన్నరప్గా నిలిచిన ప్రజ్ఞానంద (2727) 19వ ర్యాంక్లో ఉండగా.. విదిత్ సంతోష్ (27వ ర్యాంక్), అర్జున్ ఇరిగైసి (29వ ర్యాంక్) కూడా టాప్-30లో చోటు దక్కించుకున్నారు.