Gujarat Titans | అహ్మదాబాద్: నిండు వేసవిలో అహ్మదాబాద్ను ముంచెత్తిన అకాల వర్షం.. ఐపీఎల్లో రెండుసార్లు ఫైనల్కు చేరిన గుజరాత్ టైటాన్స్ ప్లేఆఫ్స్ ఆశలపై నీళ్లు చల్లింది. అహ్మదాబాద్ లోని నరేంద్ర మోదీ స్టేడియం వేదికగా సోమవారం కోల్కతా నైట్ రైడర్స్తో జరగాల్సిన మ్యాచ్ వరుణుడి అంతరాయంతో టాస్ పడకుండానే రద్దయ్యింది.
సాయంత్రం నుంచే ఉరుములతో కూడిన వర్షం గుజరాత్కు షాకిచ్చింది. ఇరు జట్ల సారథులతో చర్చించిన అంపైర్లు.. రాత్రి 10:42కు మ్యాచ్ను రద్దు చేస్తున్నట్టు ప్రకటించారు. రెండు జట్లకూ చెరో పాయింట్ కేటాయించినా టైటాన్స్కు అసంతృప్తి తప్పలేదు. ఈ సీజన్లో ఒక మ్యాచ్ వర్షార్పణమవడం ఇదే ప్రథమం.