ఢిల్లీతో జరుగుతున్న ఐపీఎల్ మ్యాచ్లో టాస్ ఓడి బ్యాటింగ్కు దిగిన గుజరాత్ జట్టు.. పోరాడగలిగే స్కోరు చేసింది. తొలి ఓవర్లోనే మాథ్యూ వేడ్ (1) అవుటవడంతో కష్టాల్లో కూరుకుపోయిన జట్టును.. శుభ్మన్ గిల్ (84), విజయ్ శంకర్ (13) ఆదుకున్నారు. ఇద్దరూ మరో వికెట్ పడకుండా జాగ్రత్తగా ఆడారు.
పవర్ ప్లే ముగిసిన తర్వాతి బంతికే విజయ్ శంకర్ అవుటవగా.. గిల్ మాత్రం తన ఇన్నింగ్స్ను చక్కగా ముందుకు తీసుకెళ్లాడు. కెప్టెన్ హార్దిక్ పాండ్య (31)తో కలిసి మంచి భాగస్వామ్యం నెలకొల్పాడు. అయితే స్వల్ప వ్యవధిలోనే వీళ్లిద్దరూ అవుటయ్యారు.
చివర్లో డేవిడ్ మిల్లర్ (20 నాటౌట్), రాహుల్ తెవాటియా (14) ధాటిగా ఆడారు. కానీ చివరి ఓవర్ వేసిన ముస్తాఫిజుర్.. అదే ఓవర్లో తెవాటియా, అభినవ్ మనోహర్ (1)ను వెనక్కు పంపాడు. దీంతో గుజరాత్ జట్టు నిర్ణీత 20 ఓవర్లు ముగిసే సమయానికి 171/6 స్కోరు సాధించింది. ఢిల్లీ బౌలర్లలో ముస్తాఫిజుర్ రెహ్మాన్ 3, ఖలీల్ అహ్మద్వి 2 వికెట్లు తీయగా.. కుల్దీప్ యాదవ్ ఒక వికెట్ తీశాడు.