న్యూఢిల్లీ: ఢిల్లీ క్యాపిటల్స్ జట్టు అనూహ్య నిర్ణయం తీసుకుంది. గత కొన్నేండ్లుగా చీఫ్కోచ్గా వ్యవహరిస్తున్న ఆస్ట్రేలియా గ్రేట్ రికీ పాంటింగ్కు ఉద్వాసన పలికింది. ఈ మేరకు శనివారం తమ టీమ్ అధికారిక సోషల్మీడియా ఖాతాలో వివరాలు వెల్లడించింది. పాంటింగ్ స్థానంలో ఇప్పటి వరకు జట్టు టీమ్ డైరెక్టర్గా ఉన్న సౌరవ్ గంగూలీని ప్రధాన కోచ్గా నియమించే అవకాశాలు కనిపిస్తున్నాయి.
‘ప్రధాన కోచ్గా మీరు వెళ్తున్న వేళ..ఆ మాటలను పదాలలో వర్ణించలేకపోతున్నాం. ప్రతి సందర్భంలో నాలుగింటి(కేర్, కమిట్మెంట్, అటిట్యూడ్, ఎఫర్ట్) గురించి గత ఏడేండ్ల కాలంలో చర్చించడంలో కీలకంగా వ్యవహరించావు’ అని రాసుకొచ్చింది. 2019లో ఢిల్లీ జట్టుతో చేరిన పాంటింగ్ జట్టుకు టైటిల్ అందించడంలో సఫలం కాలేకపోయాడు. ఈ విషయంలో ఒకింత అసంతృప్తితో ఉన్న టీమ్ మేనేజ్మెంట్ కోచింగ్ బృందాన్ని మార్చేందుకు మొగ్గుచూపినట్లు తెలిసింది.