పారిస్: ఫ్రెంచ్ ఓపెన్ డిఫెండింగ్ చాంపియన్ నొవాక్ జొకోవిచ్ మరో మారథాన్ మ్యాచ్తో క్వార్టర్స్కు దూసుకెళ్లాడు. పురుషుల సింగిల్స్ నాలుగో రౌండ్లో టాప్ సీడ్ జొకో.. 6-1, 5-7, 3-6, 7-5, 6-3తో అర్జెంటీనా కుర్రాడు ఫ్రాన్సిస్కో సెరుండొలొపై అతి కష్టమ్మీద నెగ్గాడు. సుమారు 4 గంటలకు పైగా సాగిన ఈ పోరులో 23వ సీడ్ ఫ్రాన్సిస్కో.. జొకోపై గెలిచినంత పనిచేసినా ఆఖరి వరకూ పోరాడిన సెర్బియా స్టార్ క్వార్టర్స్కు అర్హత సాధించాడు.
నాలుగో రౌండ్లో ఐదో సీడ్ రష్యా ఆటగాడు మెద్వెదెవ్.. 6-4, 2-6, 1-6, 3-6తో అలెక్స్ డి మినొర్ (ఆస్ట్రేలియా) చేతిలో ఓడి టోర్నీ నుంచి నిష్క్రమించాడు. జన్నిక్ సిన్నర్.. 2-6, 6-3, 6-2, 6-1తో కొరెంటిన్ (ఫ్రాన్స్)ను ఓడించి క్వార్టర్స్కు చేరాడు. భారత సీనియర్ టెన్నిస్ ఆటగాడు రోహన్ బోపన్న, మాథ్యూ ఎబ్డెన్ (ఆస్ట్రేలియా) ద్వయం ఫ్రెంచ్ ఓపెన్ క్వార్టర్స్ చేరింది. పురుషుల డబుల్స్ ప్రిక్వార్టర్స్లో బోపన్న జోడీ.. 6-7 (2/7), 6-3, 7-6 (10/8) తో మరో భారత ఆటగాడు శ్రీరామ్ బాలాజీ-రెయిస్ వరెల (మెక్సికో)పై గెలిచి క్వార్టర్స్కు అర్హత సాధించింది.