PV Sindhu | పారిస్: ఫ్రెంచ్ ఓపెన్ బ్యాడ్మింటన్ టోర్నీలో భారత స్టార్ షట్లర్ పీవీ సింధు పోరాటం ముగిసింది. శుక్రవారం జరిగిన మహిళల సింగిల్స్ క్వార్టర్స్లో సింధు 24-22, 17-21, 18-21తో రెండోసీడ్, ఒలింపిక్ చాంపియన్ చెన్ యు ఫీ(చైనా) చేతిలో పోరాడి ఓడింది. గాయం నుంచి కోలుకుని తిరిగి కోర్టులో అడుగుపెట్టిన సింధు దాదాపు గంటసేపు జరిగిన మ్యాచ్లో అద్భుత పోరాటపటిమ కనబరిచింది. హోరాహోరీగా సాగిన తొలి గేమ్లో 6-12, 11-15తో వెనుకబడినా..పుంజుకుని గెలిచింది. కానీ రెండు, మూడు గేమ్ల్లో ప్రత్యర్థికి దీటుగా బదులివ్వడంలో విఫలమైన సింధు మ్యాచ్ చేజార్చుకుంది.
మరోవైపు పురుషుల డబుల్స్లో సాత్విక్సాయిరాజ్, చిరాగ్శెట్టి జోడీ 21-19, 21-13తో సుపక్ జొంకో, కెడ్రెన్(థాయ్లాండ్) జోడీని ఓడించి సెమీఫైనల్లోకి ప్రవేశించింది. తొలి గేమ్ను కష్టంగా గెలిచిన సాత్విక్, చిరాగ్ జంట..మలిగేమ్ను అలవోకగా దక్కించుకున్నారు. సెమీస్లో మిన్ హ్యుక్ కాంగ్, సెయింగ్ జయె(కొరియా) జోడీతో తలపడనున్నారు.