Fox Interrupts Match : క్రికెట్ మ్యాచ్లకు వర్షం అంతరాయం కలిగించడం చూస్తుంటాం. కానీ, విచిత్రంగా ఈసారి ఓ నక్క (Fox) మ్యాచ్కు అడ్డుపడింది. ఇంగ్లండ్లోని ది ఓవల్ స్టేడియం (The Oval)లో ఈ సంఘటన జరిగింది. శనివారం సర్రే (Surrey), హాంప్షైర్ (Hampshire) జట్ల మధ్య టీ20 మ్యాచ్ జరుగుతుండగా ఎక్కడి నుంచో ఓ నక్క మైదానంలోకి దూసుకొచ్చింది. దాంతో, ఇరుజట్ల ఆటగాళ్లంతా కంగారు పడిపోయారు.
అసలేం జరుగుతుందో అర్థంకాక అభిమానులు సైతం ఆందోళనకు గురయ్యారు. ఆ కాసేపటికి తేరుకొన్న ప్రేక్షకులు ఆ నక్కను ఫొటో తీసేందుకు పోటీ పడ్డారు. నక్క హంగామా చూసిన కెమెరా వ్యక్తులు కూడా దాన్ని చిత్రీకరించడం మొదలెట్టారు. దాంతో, అది గ్రౌండ్ నలువైపులా దౌడు తీసి అందర్నీ భయభ్రాంతులకు గురి చేసింది.
Fox invades the field in Vitality Blast. 😄pic.twitter.com/dENXcc1wIL
— Mufaddal Vohra (@mufaddal_vohra) July 20, 2024
అయితే.. అప్రమత్తమైన గ్రౌండ్ సిబ్బంది దాన్ని తరిమేందుకు ప్రయత్నించారు. చివరకు ఆ నక్క బౌండరీ గోడ దూకి బయటకు పోయింది. ఆ క్షణం అందరూ హమ్మయ్యా అని ఊపిరి పీల్చుకున్నారు. ఆ తర్వాత హ్యాంప్షైర్ జట్టు తమ ఇన్నింగ్స్ను యథావిధిగా కొనసాగించింది. ఓవల్ మైదానంలో నక్క కాసేపు చేసిన హడావిడి వీడియోలో రికార్డయ్యింది. ప్రస్తుతం ఆ వీడియో నెట్టింట వైరల్ అవుతోంది.