Wrestling Championship | అమ్మన్(జోర్డాన్): ప్రతిష్ఠాత్మక అండర్-17 ప్రపంచ రెజ్లింగ్ చాంపియన్షిప్లో భారత రెజ్లర్ల అద్భుత ప్రదర్శన కొనసాగుతున్నది. అదితికుమారి, నేహా, పుల్కిత్, మాన్సి తమతమ విభాగాల్లో ఫైనల్ చేరి కనీసం రజత పతకం ఖాయం చేసుకున్నారు.
బుధవారం జరిగిన 43కిలోల సెమీస్ బౌట్లో అదితి 8-2తో అలెగ్జాండ్రా బెరెజెస్కోవాపై గెలిచి పసిడి పోరులో నిలిచింది. 57కిలోల సెమీస్లో నేహా 8-4తో అన్నా స్ట్రాటన్పై గెలిచి సో సుసుయి(జపాన్)తో పోరుకు సిద్ధమైంది. 65కిలోల కేటగిరీలో పుల్కిత్ 3-0తో మారమ్ ఇబ్రహీంపై గెలిచి దరియా ఫ్లోరోవాతో ఫైనల్లో తలపడనుంది.
73కిలోల విభాగం సెమీస్లో మాన్సి 12-2తో క్రిస్టినా దెమ్చుక్పై గెలిచింది. ఇదే టోర్నీ గ్రీకోరోమన్ విభాగంలో రోనక్ దహియా ఇప్పటికే కాంస్య పతకం సాధించిన సంగతి తెలిసిందే.