AUS vs ENG : సంచలనాలకు కేరాఫ్ అవుతున్న టీ20 ప్రపంచ కప్లో సమఉజ్జీల సమరానికి మరికాసేపట్లో తెరలేవనుంది. మెగా టోర్నీ 17వ మ్యాచ్లో డిఫెండింగ్ చాంపియన్ ఇంగ్లండ్(England), మాజీ విజేత ఆస్ట్రేలియా(Australia)ను ఢీకొడుతోంది. బార్బడోస్ వేదికగా జరుగుతున్న ఈ మ్యాచ్లో ఇంగ్లండ్ కెప్టెన్ జోస్ బట్లర్ టాస్ గెలిచాడు. ఛేజింగ్ చేయాలనే ఆలోచనతో అతడు ఆసీస్ను బ్యాటింగ్కు ఆహ్వానించాడు.
ఈ మ్యాచ్ కోసం కంగారూ జట్టు ఒక్క మార్పు చేసింది. తొలి మ్యాచ్కు దూరమైన పేసర్ ప్యాట్ కమిన్స్ జట్టులోకి వచ్చాడు. మరోవైపు స్కాట్లాండ్తో మ్యాచ్ రద్దు కావడంతో ఆసీస్పై విజయంతో రెండు పాయింట్లు సాధించాలని బట్లర్ సేన భావిస్తోంది.
అస్ట్రేలియా జట్టు : డేవిడ్ వార్నర్, ట్రావిస్ హెడ్, మిచెల్ మార్ష్(కెప్టెన్), గ్లెన్ మ్యాక్స్వెల్, మార్కస్ స్టోయినిస్, టిమ్ డేవిడ్, మాథ్యూ వేడ్(వికెట్ కీపర్), ప్యాట్ కమిన్స్, మిచెల్ స్టార్క్, ఆడం జంపా, జోష్ హేజిల్వుడ్.
ఇంగ్లండ్ జట్టు : జోస్ బట్లర్(కెప్టెన్, వికెట్ కీపర్), ఫిలిప్ సాల్ట్, విల్ జాక్స్, జానీ బెయిర్స్టో, హ్యారీ బ్రూక్, మోయిన్ అలీ, లియాం లివింగ్స్టోన్, క్రిస్ జోర్డాన్, జోఫ్రా ఆర్చర్, ఆదిల్ రషీద్, మార్క్ వుడ్.