Amy Jones – Piepa Cleary : ప్రపంచ క్రికెట్లో మరో ప్రేమ జంట తమ బంధాన్ని అధికారికంగా ప్రకటించింది. కలిసి బతికేందుకు అబ్బాయే అవసరం లేదు అమ్మాయి చాలంటూ ఇంగ్లండ్ వికెట్ కీపర్ అమీ జోన్స్ (Amy Jones) తన గర్ల్ఫ్రెండ్తో ఎంగేజ్మెంట్ చేసుకుంది. మంగళవారం ఆస్ట్రేలియా మాజీ పేసర్ పీపా క్లియరీ (Piepa Cleary)తో గామీ నిశ్చితార్థం సందడిగా జరిగింది.
అలా ఈ క్రికెట్ జోడీ తమ అనుబంధాన్ని మరో మెట్టు ఎక్కించి అందర్నరీ ఆశ్చర్యపరిచింది. అనంతరం ఇద్దరూ కలిసి దిగిన ఫొటోను అమీ జోన్స్ సోషల్ మీడియాలో షేర్ చేసింది. ఆ ఫొటోకు ఇక ఎల్లప్పుడూ ఛీర్స్ అనే క్యాప్షన్ రాసింది. దాంతో, ఇద్దరికీ అభినందనలు తెలుపుతూ పోస్ట్లు పెడుతున్నారు.
ఇంగ్లండ్ జట్టులో ప్రధాన ప్లేయర్ అయిన గామీ మూడు ఫార్మట్లలో అరంగేట్రం చేసింది. ఆమె ఇప్పటి వరకూ టెస్టుల్లో 116 , వన్డేల్లో 1,951, పొట్టి క్రికెట్లో 1,515 రన్స్ చేసింది. ఇక పీపా క్లియరీ విషయానికొస్తే ఆమె 2013-14 మధ్య ఆస్ట్రేలియాకు ఆడింది. మొత్తంగా 14 మ్యాచుల్లో 12 వికెట్లు పడగొట్టి తన సత్తా చాటింది. ప్రస్తుతం క్లియరీ బ్యాచిలర్ ఆఫ్ ఎడ్యుకేషన్ కోర్సు చదువుతోంది. అంతేకాదు ఆమెకు క్రికెట్ కోచింగ్లో సర్టిఫికెట్ కూడా ఉంది.