లండన్: లార్డ్స్ వేదికగా వెస్టిండీస్తో జరుగుతున్న తొలి టెస్టులో ఇంగ్లండ్ గెలుపు దిశగా సాగుతోంది. తొలి ఇన్నింగ్స్లో విండీస్ 121 పరుగులకే ఆలౌట్ అయిన విషయం తెలిసిందే. ఓవర్ నైట్ స్కోరు 189/3 వద్ద రెండో రోజు ఆట ఆరంభించిన ఇంగ్లండ్ ఫస్ట్ ఇన్నింగ్స్లో 371 పరుగులకు ఆలౌట్ అయింది. రూట్ (68), బ్రూక్ (50) అర్ధ సెంచరీలతో రాణించగా తన కెరీర్లో తొలి టెస్టు ఆడుతున్న వికెట్ కీపర్ జెమీ స్మిత్ (70) ఆకట్టుకున్నాడు.
తొలి ఇన్నింగ్స్లో 250 పరుగులు వెనుకబడ్డ విండీస్.. రెండో ఇన్నింగ్స్లోనూ తడబడుతోంది. టాపార్డర్ వైఫల్యంతో ఆ జట్టు 20 ఓవర్లకే 4 కీలక వికెట్లు కోల్పోయి కష్టాల్లో పడింది. రెండో రోజు ఆట ముగిసే సమయానికి విండీస్ 34.5 ఓవర్లలో 6 వికెట్ల నష్టానికి 79 పరుగులు చేసింది. ఏదైనా అద్భుతం జరిగితే తప్ప ఈ టెస్టులో విండీస్ ఓటమి లాంఛనమే!