చెన్నై: భారత మాజీ వికెట్కీపర్ దినేశ్ కార్తీక్ క్రికెట్కు వీడ్కోలు పలికాడు. అన్ని రకాల ఫార్మాట్ల నుంచి వైదొలుగుతున్నట్లు ప్రకటించాడు. వాస్తవానికి ఐపీఎల్లో ఎలిమినేటర్ మ్యాచ్లో ఓటమి తర్వాతే రిటైరవుతున్నట్లు పేర్కొన్నా.. శనివారం ఎక్స్ వేదికగా అధికారికంగా వెల్లడించాడు. ఈ సందర్భంగా కార్తీక్ కొన్ని అంశాలను పంచుకున్నాడు. ‘కొంత కాలం నుంచి క్రికెట్కు వీడ్కోలు పలికేందుకు ఆలోచిస్తున్నా. ఆ సమయం రానే వచ్చింది. పోటీ క్రికెట్కు దూరంగా ఉండాలన్న నిర్ణయానికి వచ్చాను. భవిష్యత్లో ఎదురయ్యే సవాళ్లను స్వీకరించేందుకు సిద్ధంగా ఉన్నాను’ అని అన్నాడు. భారత్ తరఫున మూడు ఫార్మాట్లలో కలిపి 180 మ్యాచ్లాడిన దినేశ్.. 3463 పరుగులు చేశాడు. టెస్టుల్లో ఒక సెంచరీ, 17 అర్ధసెంచరీలు ఖాతాలో వేసుకున్న కార్తీక్..వికెట్కీపర్గా 172 ఔట్లలో పాలుపంచుకున్నాడు.