పారిస్: ఫ్రెంచ్ ఓపెన్ గ్రాండ్స్లామ్ టోర్నీలో డిఫెండింగ్ చాంపియన్ ఇగా స్వియాటెక్ వరుస విజయాల దూకుడు కొనసాగుతున్నది. గత మ్యాచ్లో ఒసాకాపై గెలిచి గట్టెక్కిన స్వియాటెక్ శుక్రవారం జరిగిన మహిళల సింగిల్స్ మూడో రౌండ్లో 6-4, 6-2తో మారియా బజ్కోవా(చెక్ రిపబ్లిక్)పై అలవోక విజయం సాధించింది. గంటన్నర పాటు సాగిన పోరులో టాప్సీడ్ స్వియాటెక్ పూర్తి ఆధిపత్యం ప్రదర్శించింది.
మ్యాచ్లో స్వియాటెక్ రెండు ఏస్లు కొడితే బజ్కోవా ఐదు ఏస్లతో ఆకట్టుకుంది. అయితే 34 విన్నర్లతో స్వియాటెక్ మ్యాచ్పై పట్టు సాధించగా, బజ్కోవా 17కు పరిమితమైంది. దీనికి తోడు 12సార్లు అనవసర తప్పిదాలకు పాల్పడటం చెక్ ప్లేయర్ కొంపముంచింది. మిగతా మ్యాచ్ల్లో జాబర్, కొకోగాఫ్ టోర్నీలో ముందంజ వేశారు. పురుషుల సింగిల్స్లో రుబ్లెవ్ పోరాటం ముగిసింది.