INDW vs PAKW : మహిళల ఆసియా కప్ తొలి మ్యాచ్లో భారత బౌలర్లు అదరగొట్టారు. ఆల్రౌండర్ దీప్తి శర్మ(3/20), రేణుకా సింగ్ (2/14), పూజా వస్త్రాకర్(2/31)లు చెలరేగడంతో పాకిస్థాన్ 108 పరుగులకే ఆలౌటయ్యింది. పవర్ ప్లేలోనే రెండు వికెట్లు తీసిన పూజా పాక్ను ఒత్తిడిలోకి నెట్టింది. ఆ దశలో సిడ్రా అమీన్(25), ఆఖర్లో ఫాతిమా సనా ఫాతిమా(22 నాటౌట్) దూకుడుగా ఆడారు. 20వ ఓవర్ రెండో బంతికి సదియా ఇక్బాల్(0)ను శ్రేయాంక పాటిల్ బౌల్డ్ చేయడంతో దాయాది జట్టు స్వల్ప స్కోర్కే కుప్పకూలింది.
టాస్ ఓడిన డిఫెండింగ్ చాంపియన్ భారత మహిళల జట్టుకు పూజా వస్త్రాకర్ ఆదిలోనే బ్రేక్ ఇచ్చింది. దంబుల్లా స్టేడియం వేదికగా జరుగుతున్న మ్యాచ్లో తొలి ఓవర్లోనే వికెట్ తీసింది. గుల్ ఫెరొజా(5)ను చేసి వికెట్ల వేట మొదలెట్టింది. ఆ తర్వాత బంతి అందుకున్న ఆమె బౌన్సర్తో మునీబా అలీ(11)ను బోల్తా కొట్టించి పాక్ను కష్టాల్లో పడేసింది. దాంతో, పాక్ 26 పరుగులకే రెండు కీలక వికెట్లు కోల్పోయింది.
Innings Break!
Superb bowling performance from #TeamIndia! 👌 👌
3⃣ wickets for @Deepti_Sharma06
2⃣ wickets each for Renuka Singh Thakur, @shreyanka_patil & @Vastrakarp25Stay Tuned for our chase! ⌛️
Scorecard ▶️ https://t.co/30wNRZNiBJ#WomensAsiaCup2024 | #ACC | #INDvPAK pic.twitter.com/dEakxdXiUX
— BCCI Women (@BCCIWomen) July 19, 2024
ఆ దశలో సిడ్రా అమీన్(25), టుబా హసన్(22)లతో కలిసి ధాటిగా ఆడాలనుకున్న కెప్టెన్ నిడా దార్ (8)ను దీప్తి శర్మ వెనక్కి పంపింది. చివర్లో సనా ఫాతిమా పోరాటంతో పాక్ స్కోర్ ఆ మాత్రం రన్స్ చేయగలిగింది. రాధా యాదవ్ వేసిన 19వ ఓవర్లో సనా రెండు భారీ సిక్సర్లు బాదింది. దాంతో, పాక్ స్కోర్ సెంచరీ మార్క్ దాటింది.