Charlie Cassell | డుండె: స్కాట్లాండ్ యువ పేసర్ చార్లి కాసెల్ ఆడుతున్న తొలి మ్యాచ్లోనే ఏడు వికెట్లు (7/21) పడగొట్టి సరికొత్త ప్రపంచ రికార్డు నెలకొల్పాడు. ఐసీసీ పురుషుల క్రికెట్ వరల్డ్ కప్ లీగ్ 2 లో భాగంగా ఒమన్తో జరిగిన మ్యాచ్లో 5.4 ఓవర్లు వేసిన కాసెల్ ఒక ఓవర్ మెయిడిన్ చేయడమే గాక 21 పరుగులే ఇచ్చి 7 వికెట్లు తీశాడు. తాను వేసిన తొలి ఓవర్లోనే మూడు వికెట్లు పడగొట్టాడు.
తద్వారా తొమ్మిదేండ్ల క్రితం బంగ్లాదేశ్తో మ్యాచ్లో సౌతాఫ్రికా పేసర్ కగిసొ రబాడ నెలకొల్పిన రికార్డు (6/16) రికార్డు కనుమరుగైంది. కాసెల్ దెబ్బకు ఒమన్ 21.4 ఓవర్లలో 91 పరుగులకే ఆలౌట్ అయింది. లక్ష్యాన్ని స్కాట్లాండ్ 17.2 ఓవర్లలోనే 2 వికెట్లు కోల్పోయి ఛేదించింది. అంతర్జాతీయ వన్డే క్రికెట్ చరిత్రలో ఇలాంటి ఫీట్ తొలిసారి నమోదు కావడం విశేషం.