Bhuvneshwar Kumar : వరల్డ్ కప్ జట్టులో చోటు దక్కించుకోలేకపోయిన భారత స్టార్ పేసర్ భువనేశ్వర్ కుమార్(Bhuvneshwar Kumar) దేశవాళీలో తన పేస్ పవర్ చూపిస్తున్నాడు. సయ్యద్ ముస్తాక్ అలీ టీ20 ట్రోఫీ(Syed Mushtaq Ali T20 Trophy)లో ఉత్తర ప్రదేశ్కు ప్రాతినిధ్యం వహిస్తున్న భువీ వికెట్ల వేట కొనసాగిస్తున్నాడు.
డెహ్రడూన్లో అభిమన్యు క్రికెట్ అకాడమీలో కర్నాటకపై భువనేశ్వర్ 5 వికెట్లతో చెలరేగాడు. మనోజ్ బండగే, అభినవ్ మనోహర్, సుభాంగ్ హెగ్డే, విజయ్కుమార్ వైశాఖ్, విద్వత్ కవెరప్పలను పెవలియన్ పంపడంతో యూపీ 40 పరుగుల తేడాతో గెలుపొందింది. అంతేకాదు గుజరాత్, తమిళనాడు జట్లపై కూడా మూడేసి వికెట్లతో సత్తా చాటాడు.
Bhuvneshwar Kumar swings us back in time 😍 with this special delivery 🫶
Keep watching the quarterfinals action from the #SyedMushtagAliT20 LIVE on #JioCinema & #Sports18 🙌 #SMAT #SMATonJioCinema #SMATonSports18 #JioCinemaSports pic.twitter.com/MpAMWbmJET
— JioCinema (@JioCinema) November 2, 2023
ఇప్పటివరకూ 7 మ్యాచుల్లో 5.67 ఎకానమీతో ఈ స్వింగ్ సుల్తాన్ 16 వికెట్లు పడగొట్టాడు. ఈ టోర్నీ వికెట్ల వీరుల జాబితాలో రెండో స్థానంలో నిలిచాడు. ఓపెనింగ్ బౌలర్గా టీమిండియా విజయాల్లో కీలక పాత్ర పోషించిన భువీ ప్రపంచ కప్ జట్టులో మాత్రం చోటు దక్కించుకోలేకపోయాడు. జస్ప్రీత్ బుమ్రా, మహ్మద్ షమీ, సిరాజ్లు సూపర్ ఫామ్లో ఉండడం, నిలకడగా రాణిస్తుండడంతో సెలెక్టర్లు అతడిని పక్కన పెట్టారు. ఈ స్టార్ బౌలర్ నిరుడు నవంబర్లో భారత్ తరఫున చివరి మ్యాచ్ ఆడేశాడు. భువీ టెస్టుల్లో 63, వన్డేల్లో 141 వికెట్లు పడగొట్టాడు.