BCCI : భారత క్రికెట్ నియంత్రణ మండలి మరోసారి తన ఉదారత చాటుకుంది. పొట్టి ప్రపంచ కప్ విజేతలకు రూ.125 కోట్ల ప్రైజ్మనీ ప్రకటించిన బీసీసీఐ (BCCI ) ప్యారిస్ ఒలింపిక్స్లో పాల్గొంటున్న భారత అథ్లెట్లలో ఉత్సాహం నింపేందుకు కీలక నిర్ణయం తీసుకుంది. విశ్వ క్రీడల్లో పోటీపడుతున్న ఆటగాళ్లకు ఆర్ధిక సాయంగా భారత ఒలింపిక్ సంఘా(IOA)నికి రూ.8.5 కోట్లు ఇవ్వనుంది. ఈ విషయాన్ని ఆదివారం బీసీసీఐ సెక్రటరీ జై షా (Jai Shah) ఎక్స్ వేదికగా వెల్లడించాడు.
‘ప్యారిస్ ఒలింపిక్స్లో పాల్గొంటున్న భారత బృందానికి బీసీసీఐ ఆర్థిక సాయం చేస్తోందని చెప్పడానికి నేను ఎంతో సంతోషిస్తున్నా. విశ్వ క్రీడల సందర్భంగా భారత ఒలింపిక్ సంఘానికి రూ.8.5 కోట్లు అందజేస్తున్నాం. మెగా టోర్నీలో తలపడనున్న అథ్లెట్లకు ఆల్ ది బెస్ట్. భారతదేశం గర్వపడేలా చేయడం. జై హింద్’ అని షా తన ఎక్స్ ఖాతా పోస్ట్లో అన్నాడు.
I am proud to announce that the @BCCI will be supporting our incredible athletes representing #India at the 2024 Paris Olympics. We are providing INR 8.5 Crores to the IOA for the campaign.
To our entire contingent, we wish you the very best. Make India proud! Jai Hind! 🇮🇳…
— Jay Shah (@JayShah) July 21, 2024
నిరుడు ఆసియా క్రీడల్లో పతక వందనం చేసిన భారత బృందం ఒలింపిక్స్లోనూ మెరిసేందుకు సిద్ధమైంది. ఈసారి 117 మందితో కూడిన స్క్వాడ్ ప్యారిస్కు వెళ్లింది. ఇందులో 47 మంది మహిళలు, 70 మంది పురుషులు ఉన్నారు. ట్రాక్ విభాగంలోనే అత్యధికంగా 29 మంది పోటీ పడుతుండగా.. 21 మంది షూటర్లు ఒలింపిక్ పతకంపై గురి పెట్టారు. జూలై 26వ తేదీన ఒలింపిక్స్ పోటీలు అట్టహాసంగా ప్రారంభం కానున్నాయి.