BCCI : భారత క్రికెట్ బోర్డు శుక్రవారం దేశవాళీ క్రికెట్ (Domestic Cricket) 2024-25 షెడ్యూల్ విడుదల చేసింది. ఎర్ర బంతితో నిర్వహించే దులీప్ ట్రోఫీ(Duleep Trophy)తో సీజన్ ఆరంభం కానుంది. అనంతపూర్ వేదికగా సెప్టెంబర్ 57 తొలి మ్యాచ్ జరుగనుంది. ఈ టోర్నమెంట్లో పురుషుల సినీయర్ సెలక్షన్ కమిటీ ఎంపిక చేసిన నాలుగు జట్లు పాల్గొననున్నాయి.
అనంతరం వరుసగా ఇరానీ కప్(Irani Cup), రంజీ ట్రోఫీలు నిర్వహించనున్నారు. అయితే.. ఈసారి రెండు విడతలుగా రంజీ పోటీలు జరిపేందుకు బీసీసీఐ నిర్ణయించింది. రెడ్ బాల్ క్రికెట్ టోర్నీలు పూర్తవ్వగానే వైట్ బాల్ క్రికెట్ మ్యాచ్లు షురూ అవుతాయి. తొలుత సయ్యద్ ముస్తాక్ అలీ ట్రోఫీ.. ఆ వెంటనే విజయ్ హజారే ట్రోఫీ ఉంటుంది. ఈ రెండు టోర్నీలు ముగిశాక రంజీ ట్రోఫీ రెండో విడత మ్యాచ్లు జరుగుతాయి.
🚨 News 🚨
BCCI announces domestic fixtures for home season 2024-25
Read 🔽https://t.co/iMcwnUi78L@IDFCFIRSTBank pic.twitter.com/p6TLTGGzm0
— BCCI Domestic (@BCCIdomestic) June 6, 2024
మ్యాచ్ ఏదైనా సరే టాస్ వేయడం పరిపాటి. కానీ, ఈసారి సీకే నాయుడు(CK Naidu) ట్రోఫీ సరికొత్త ఒరవడికి నాంది పలుకనుంది. ఈ టోర్నీలో ఇకపై టాస్ వేయకుండానే మ్యాచ్లు నిర్వహించనున్నారు. అదెలాగంటే.. టాస్ బదులు పర్యాటక జట్టుకు బ్యాటింగ్, బౌలింగ్ ఎంచుకొనే అవకాశమిస్తారు. దాంతో, ఈ ఏడాది సీకే నాయుడు ట్రోఫీ సరికొత్తగా ఉండనుంది.