BCCI : పొట్టి వరల్డ్ కప్ను రెండోసారి ముద్దాడిన టీమిండియా (Team India) త్వరలోనే శ్రీలంక (Srilanka) పర్యటనకు వెళ్లనుంది. జగజ్జేతగా భారత జట్టు లంక గడ్డపై మూడు మ్యాచ్ల చొప్పున వన్డే, టీ20 సిరీస్ ఆడనుంది. లంక పర్యటనకు టైమ్ దగ్గర పడడంతో గురువారం బీసీసీఐ (BCCI) సిరీస్ షెడ్యూల్ విడుదల చేసింది. జూలై 26 న పొట్టి సిరీస్ షురూ కానుండగా.. ఆగస్ట్ 1వ తేదీ వన్డే సమరం మొదలవ్వనుంది.
టీ20 మ్యాచ్లన్నీ పల్లెకెలె స్టేడియంలో, మూడు వన్డేలన్నీ కొలంబోలోని ప్రేమదాస స్టేడియంలో జరుగనున్నాయి. జూలై 26వ తేదీన జరిగే మ్యాచ్తో సిరీస్ ఆరంభం అవుతుంది. భారత్, శ్రీలంక జట్ల మధ్య పల్లెకెల్ స్టేడియంలో జూలై 26 న తొలి టీ20 జరుగనుంది. అదే స్టేడియంలో జూలై 27న రెండో మ్యాచ్.. ఒక్క రోజు విరామం తర్వాత మూడో టీ20 నిర్వహించనున్నారు.
🚨 NEWS 🚨
Fixtures for the upcoming India tour of Sri Lanka announced! 📢#TeamIndia | #SLvIND pic.twitter.com/6HmvJXHprH
— BCCI (@BCCI) July 11, 2024
అనంతరం రెండు రోజుల గ్యాప్తో వన్డే పోరు మొదలవ్వనుంది. ఆగస్ట్ 1న కొలంబోలోని ప్రేమదాస స్టేడియం వేదికగా ఆతిథ్య జట్టును భారత్ ఢీ కొట్టనుంది. ఆగస్ట్ 4న రెండో వన్డే, ఆగస్టు 7వ తేదీన ఆఖరి వన్డే ఇదే స్టేడియంలో జరుగనున్నాయి.
రాహుల్ ద్రవిడ్ తర్వాత కొత్త కోచ్గా ఎంపికైన గౌతం గంభీర్ (Gautam fGambhir)కు ఈ సిరీస్ సవాల్ కానుంది. అయితే.. ఇంకా సహాయక బృందంలో ఉండేది ఎవరో తేలలేదు. అంతేకాదు లంక సిరీస్కు కెప్టెన్గా ఎవరు ఉంటారు? అనేది బీసీసీఐ వెల్లడించలేదు. రెండు ఫార్మట్ల సిరీస్ కాబట్టి ఇద్దరు కెప్టెన్లను నియమించే చాన్స్ ఉంది. పొట్టి సిరీస్కు హార్దిక్ పాండ్యా (Hardhik Pandya), వన్డే సిరీస్కు కేఎల్ రాహుల్ (KL Rahul) సారథిగా ఉంటారని సమాచారం.