PV Sindhu | కౌలాలంపూర్: ప్రతిష్ఠాత్మక పారిస్ ఒలింపిక్స్లో బ్యాడ్మింటన్ డ్రాలు శుక్రవారం ఖరారయ్యాయి. డబుల్ ఒలింపిక్ చాంపియన్ పీవీ సింధుతో పాటు హెచ్ఎస్ ప్రణయ్కు సులువైన డ్రా ఎదురుకాగా, లక్ష్యసేన్, తనీషా క్యాస్ట్రో, అశ్విని పొనప్ప జోడీకి కఠిన ప్రత్యర్థులతో తలపడబోతున్నారు.
మహిళల సింగిల్స్ ప్రపంచ ర్యాంకింగ్స్లో ప్రస్తుతం 13వ ర్యాంక్లో కొనసాగుతున్న సింధు..గ్రూపు-ఎమ్లో క్రిస్టిన్ కుబా(ఈస్తోనియ), ఫతిమత్ నబా(మాల్దీవులు)తో కలిసి బరిలోకి దిగనుంది. మూడో ఒలింపిక్స్ పతకం కోసం పట్టుదలగా ఉన్న సింధుకు ప్రిక్వార్టర్స్లో చైనాకు చెందిన హీ బింగ్జియావో, క్వార్టర్స్లో చెన్ యుఫీ ఎదురుకానున్నారు. పురుషుల సింగిల్స్లో ప్రణయ్.. గ్రూపు-కేలో ఉన్నాడు.