గ్రాస్ ఐలెట్: అక్షర్ పటేల్( Axar Patel) కళ్లు చెదిరే క్యాచ్ పట్టేశాడు. అందర్నీ తన ఫీల్డింగ్తో స్టన్ చేశాడు. ఆస్ట్రేలియా కెప్టెన్ మిచెల్ మార్ష్ కొట్టిన భారీ షాట్ను.. అక్షర్ పటేల్ గాల్లోకి ఎగిరి ఒంటి చేతితో అందుకున్నాడు. టీ20 వరల్డ్కప్లో భాగంగా సూపర్8 స్టేజ్లో జరిగిన చివరి గ్రూప్ మ్యాచ్లో ఈ ఘటన చోటుచేసుకున్నది. మంచి ఫామ్లో ఉన్నట్లు కనిపించిన మార్ష్.. కుల్దీప్ యాదవ్ బౌలింగ్లో భారీ షాట్ కొట్టాడు. అయితే డీప్ స్క్వేర్ లెగ్లోకి వెళ్లిన ఆ బంతి.. దాదాపు బౌండరీ మీదుగా వెళ్తున్నట్లు అనిపించింది.
కానీ బౌండరీ లైన్ సమీపంలో ఉన్న అక్షర్ పటేల్.. ఆ బంతిని గాల్లోకి ఎగిరి అక్షర్ తన కుడి చేతితో పట్టేశాడు. అద్భుతమైన రీతిలో అక్షర్ క్యాచ్ అందుకోవడంతో.. స్టేడియం ఒక్కసారిగా ఊగిపోయింది. ఆ క్యాచ్కు చెందిన వీడియో ప్రస్తుతం వైరల్ అవుతోంది. ఐసీసీ తన ఇన్స్టాలో ఆ వీడియోను పోస్టు చేసింది.
సోమవారం జరిగిన మ్యాచ్లో ఇండియా 24 రన్స్ తేడాతో విజయం సాధించింది. ఫస్ట్ బ్యాటింగ్ చేసిన ఇండియా నిర్ణీత ఓవర్లలో 5 వికెట్ల నష్టానికి 205 రన్స్ చేసింది. రోహిత్ శర్మ అత్యధికంగా 92 రన్స్ చేశాడు. ఆస్ట్రేలియా తన నిర్ణీత ఓవర్లలో 7 వికెట్ల నష్టానికి 181 రన్స్ మాత్రమే చేసింది.