T20 World Cup : టీ20 వరల్డ్ కప్ పోటీలకు సిద్దమవుతున్న మాజీ చాంపియన్ ఆస్ట్రేలియా (Australia)కు గుడ్ న్యూస్. మెగా టోర్నీలో ఆడడంపై నెలకొన్న సందేహాలకు ఆ జట్టు కెప్టెన్ మిచెల్ మార్ష్ (Mitchell Marsh) చెక్ పెట్టాడు. ఫిట్గా మారిన అతడు వామప్ మ్యాచ్లో బరిలోకి దిగే చాన్స్ ఉంది.
‘టోర్నీలో ఆడేందుకు ఉత్సాహంగా ఎదురుచూస్తున్నా. గాయం కారణంగా ఐపీఎల్ మధ్యలోనే స్వదేశం వచ్చాక మొదట్లో మూడు వారాల్లో కోలుకుంటానని అనుకున్నా. అయితే.. వైద్యబృందం అన్ని రకాల జాగ్రత్తలు తీసుకోవడంతో తొందరగానే ఆ గాయం నయమైంది’ అని సోమవారం మార్ష్ క్రికెట్ ఆస్ట్రేలియాతో చెప్పాడు. వరల్డ్ కప్ ముందు వామప్ మ్యాచులో భాగంగా ఆసీస్ జట్టు నమీబియాతో తలపడనుంది.
An injury update from Australia captain Mitch Marsh just days out from the start of the #T20WorldCup 👀
Details 👇https://t.co/ec89Ol7y3F
— ICC (@ICC) May 27, 2024
ఆస్ట్రేలియా స్క్వాడ్ : మిచెల్ మార్ష్(కెప్టెన్), అష్టన్ అగర్, ప్యాట్ కమిన్స్, టిమ్ డేవిడ్, నాథన్ ఎల్లిస్, కామెరూన్ గ్రీన్, హేజిల్వుడ్, ట్రావిస్ హెడ్, జోష్ ఇంగ్లిస్, మ్యాక్స్వెల్, మిచెల్ స్టార్క్, స్టోయినిస్, మాథ్యూ వేడ్, డేవిడ్ వార్నర్, ఆడం జంపా.
ట్రావెల్ రిజర్వ్స్ : జేక్ ఫ్రేజర్ మెక్గుర్క్, మ్యాట్ షార్ట్.
ఐపీఎల్ పదిహేడో సీజన్లో మార్ష్ గాయపడ్డాడు. ఢిల్లీ క్యాపిటల్స్(Delhi Capitals) ఆల్రౌండర్ అయిన మార్ష్ తొండకండరాల గాయంతో కొన్ని మ్యాచ్లకు దూరమయ్యాడు. దాంతో, మెరుగైన చికిత్స కోసం అతడిని ఆసీస్ బోర్డు స్వదేశం రప్పించుకుంది. అక్కడే ట్రీట్మెంట్ తీసుకున్న మార్ష్ టీ20 వరల్డ్ కప్లో సత్తా చాటేందుకు ఉవ్విళ్లూరుతున్నాడు.