IND vs AUS : భారత్ నిర్దేశించిన భారీ ఛేదనలో ఆసీస్కు ఆదిలోనే షాక్. డేంజరస్ ఓపెనర్ డేవిడ్ వార్నర్ (6) ను అర్ష్దీప్ సింగ్ వెనక్కి పంపాడు. ఫస్ట్ స్లిప్లో సూర్య డైవింగ్ క్యాచ్తో వార్నర్ డగౌట్కు చేరాడు. ఆ తర్వాత కెప్టెన్ మిచెల్ మార్ష్(34) జతగా ట్రావిస్ హెడ్(27) దంచేస్తున్నాడు. వీళ్లిద్దరూ రెండో వికెట్కు 63 రన్స్ జోడించారు. దాంతో, ఆసీస్ 7 ఓవర్లలో 69 రన్స్ కొట్టింది. ఇంకా ఆసీస్ విజయానికి 137 రన్స్ కావాలి.
టీ20 వరల్డ్ కప్లో చివరి సూపర్ 8 మ్యాచ్లో టీమిండియా కెప్టెన్ రోహిత్ శర్మ (92) శివాలెత్తిపోయాడు. ఆస్ట్రేలియా బౌలర్లను ఊచకోత కోశాడు. తన కెప్టెన్సీలో రెండు ఐసీసీ ట్రోఫీలు కాజేశారనే కసితోనేమో సిక్సర్లతో మోత మోగించాడు. దాంతో, పవర్ ప్లేలో టీమిండియా స్కోర్ రాకెట్ వేగంతో పరుగులు పెట్టింది.
Innings Break!
Captain Rohit Sharma led from the front as #TeamIndia post a total of 205/5 🙌
Over to our bowlers now! 👍
Scorecard ▶️ https://t.co/L78hMho6Te#T20WorldCup | #AUSvIND pic.twitter.com/djk7WWCvI6
— BCCI (@BCCI) June 24, 2024
ఫాస్టెస్ట్ ఫిఫ్టీతో రికార్డు బ్రేక్ చేసిన హిట్మ్యాన్ ఔటయ్యాక సూర్యకుమార్ యాదవ్(31), వైస్ కెప్టెన్ హార్దిక్ పాండ్యా(27 నాటౌట్)లు మెరుపు బ్యాటింగ్తో అలరించారు. దాంతో, టీమిండియా నిర్ణీత ఓవర్లలో 5 వికెట్ల నష్టానికి 205 రన్స్ కొట్టింది. తద్వారా ఈ సీజన్లో భారీ స్కోర్ నమోదు చేసింది.