NZ vs AFG : టీ20 వరల్డ్ కప్లో అఫ్గనిస్థాన్(Afghanistan) సంచలన విజయం నమోదు చేసింది. అన్ని విభాగాల్లో తమకైన బలమైన న్యూజిలాండ్ (Newzealand)ను చిత్తు చిత్తుగా ఓడించింది. శనివారం జరిగిన మ్యాచ్లో ఓపెనర్ రహ్మనుల్లా గుర్బాజ్(80) అర్ధ సెంచరీతో చెలరేగగా.. ఆ తర్వాత బౌలర్లు కివీస్ బ్యాటర్ల భరతం పట్టారు. దాంతో, కాబూలీ జట్టు 84 పరుగుల తేడాతో సూపర్ విక్టరీ కొట్టింది.
అయితే.. అఫ్గన్ జట్టు భారీ స్కోర్కు కారణమైన రహ్మనుల్లా 12 పరుగుల వద్ద లైఫ్ లభించింది. కివీ స్పిన్నర్ మిచెల్ శాంట్నర్ వేసిన బంతిని ఫ్రంట్ఫుట్ వచ్చి ఆడబోయాడు. కానీ, బాల్ అనూహ్యంగా టర్న్ తీసుకొని లెగ్స్టంప్ను తాకుతూ బౌండరీ వైపు వెళ్లింది. ఒకవేళ బెయిల్స్ కదలడంగానీ, కిందగానీ పడి ఉంటే గుర్బాజ్ అప్పుడే ఔటయ్యేవాడు. అదే జరిగి ఉంటే.. అతడు తొలి వికెట్కు ఇబ్రహీం జర్దాన్(44)తో సెంచరీ భాగస్వామ్యం నెలకొల్పేవాడేకాదు.
తొలుత ఆడిన అఫ్గనిస్థాన్కు ఓపెనర్లు గుర్జాబ్, ఇబ్రహీంలు శుభారంభమిచ్చారు. న్యూజిలాండ్ బౌలర్లను ఉతికారేస్తూ తొలి వికెట్కు 103 రన్స్ జోడించారు. ఆ తర్వాత వచ్చిన అజ్మతుల్లా సైతం దంచడంతో రషీద్ ఖాన్ బృందం కివీస్కు 160 పరుగుల లక్ష్యాన్ని నిర్దేశించింది. అనంతరం ఛేదనకు దిగిని కివీస్ ఆది నుంచి తడబడింది. పేసర్ ఫజల్ హక్ ఫారూఖీ(4/17), కెప్టెన్ రషీద్(4/17)లు సంచలన స్పెల్తో విలియమ్సన్ సేన 75 పరుగులకే ఆలౌటయ్యింది.