ముంబై: భారత క్రికెట్ జట్టు హెడ్కోచ్ రాహుల్ ద్రవిడ్ పదవీకాలం ఈ జూన్తో ముగియనున్న నేపథ్యంలో కొత్త కోచ్ కోసం భారత క్రికెట్ నియంత్రణ మండలి (బీసీసీఐ) ఇటీవలే దరఖాస్తులు కోరగా.. ఆ పోస్టుకు ప్రధాని నరేంద్ర మోదీ, కేంద్ర హోంమంత్రి అమిత్ షా, దిగ్గజ క్రికెటర్లు సచిన్ టెండూల్కర్, మహేంద్రసింగ్ ధోనీ, వీరేంద్ర సెహ్వాగ్ పేర్లతో అప్లికేషన్లు వచ్చాయి.
కొంతమంది ఆకతాయిలు వీళ్ల పేర్లతో బీసీసీఐకి ‘ఫేక్ అప్లికేషన్లు’ పంపించినట్టు ఓ ఆంగ్ల వెబ్సైట్ కథనంలో పేర్కొంది. టీమ్ఇండియా హెడ్కోచ్ కోసం ఇప్పటి దాకా సుమారు 3 వేల దరఖాస్తులు రాగా అందులో 95 శాతం ఇలాంటివేనని అందులో పేర్కొంది. హెడ్కోచ్ రేసులో మాజీ క్రికెటర్ గౌతం గంభీర్ పేరు ప్రముఖంగా వినిపిస్తోంది.