తాండూరు, నవంబర్ 8: తాండూరులో అసెంబ్లీ ఎన్నికల నామినేషన్ల పర్వం కొనసాగుతున్నది. ఐదు రోజుల్లో 12 మంది అభ్యర్థులు 13 సెట్ల నామపత్రాలను దాఖలు చేసినట్లు తాండూరు ఎన్నికల అధికారి శ్రీనివాస్రావు తెలిపారు. బుధవారం బీఆర్ఎస్ నుంచి పంజుగుల రోహిత్రెడ్డి మొదటి సెట్ నామినేషన్ను భార్య ఆర్తిరెడ్డి, తల్లి ప్రమోదినీదేవితో పాటు బీఆర్ఎస్ నాయకులు పురుషోత్తంరావు, విజయ్కుమార్తో కలిసి వేశారు.
గురువారం రెండో సెట్ నామినేషన్ వేసేందుకు 50 వేలకు పైగా బీఆర్ఎస్ నేతలు, కార్యకర్తలతో ర్యాలీగా వస్తున్నట్లు సమాచారం. ఇప్పటి వరకు తాండూరు అసెంబ్లీ ఎమ్మెల్యేకు పోటీ చేసేందుకు బీఆర్ఎస్ నుంచి పి.రోహిత్రెడ్డి, కాంగ్రెస్ నుంచి బి.మనోహర్రెడ్డి, బీఎస్పీ నుంచి బి.చంద్రశేఖర్, ఏడీఆర్పీ నుంచి పి.అజయ్రెడ్డి, స్వతంత్ర అభ్యర్థులు 8 మంది నామినేషన్లు వేశారు. నామినేషన్ కేంద్రం వద్ద ఎలాంటి ఘటనలు చోటు చేసుకోకుండా పోలీసులు బందోబస్తు నిర్వహించారు.