మారేడ్పల్లి, ఏప్రిల్ 28 : కంటోన్మెంట్ బోర్డు పరిధిలో ఈ నెల 30వ తేదీ నుంచి వేసవి శిక్షణ శిబిరాలు ప్రారంభం కానున్నాయని, ఈ శిక్షణ శిబిరాలను విద్యార్థులందరూ సద్వినియోగం చేసుకోవాలని కంటోన్మెంట్ బోర్డు సీఈఓ మధుకర్ నాయక్, నామినేటెడ్ సభ్యుడు జే.రామకృష్ణ చెప్పారు. శుక్రవారం కంటోన్మెంట్ బోర్డు కార్యాలయంలో ఏర్పాటు చేసిన విలేకర్ల సమావేశంలో వారు మాట్లాడుతూ..30 నుంచి సిఖ్విలేజ్ దోభీఘాట్లోని హాకీ క్రీడా మైదానంలో వేసవి శిక్షణ శిబిరం ప్రారంభించనున్నట్లు తెలిపారు.
బోర్డు పరిధిలోని ఫుట్బాల్ మైదానం తిరుమలగిరి, కంటోన్మెంట్ గార్డెన్ బొల్లారం, సిఖ్విలేజ్లోని హాకీ మైదానంలో ఈ వేసవి శిక్షణ శిబిరాలను నిర్వహించనున్నట్లు తెలిపారు. ఈ శిక్షణ శిబిరంలో వాలీబాల్, క్రికెట్, మార్షల్ ఆర్ట్స్, ఫుట్బాల్ క్రీడల్లో అనుభవజ్ఞులైన కోచ్లతో శిక్షణ ఇవ్వనున్న ట్లు చెప్పారు. ఆసక్తిగల క్రీడ కారులు కంటోన్మెంట్ బోర్డు కార్యలయంలో దరఖాస్తు చేసుకోవాలని సూచించారు. ఈ నెల 30వ తేదీ నుంచి జూన్ 14వ తేదీ వరకు ఈ శిక్షణ శిబిరాలు కొనసాగుతున్న వెల్లడించారు. ఈ కార్యక్రమంలో శానిటేషన్ సూపరింటెండెంట్ దేవేందర్, ఇన్స్పెక్టర్ ఆకుల మహేందర్ తదితరులు పాల్గొన్నారు.