వికారాబాద్, జూన్ 8 : వికారాబాద్ జిల్లాలో గ్రూప్ -1 ప్రిలిమినరీ పరీక్ష సజావుగా జరిగేలా పకడ్బందీగా బందోబస్తు ఏర్పాటు చేసినట్లు ఎస్పీ కోటిరెడ్డి శనివారం ఒక ప్రకటనలో తెలిపారు. జిల్లాలోని వికారాబాద్, తాండూరు, పరిగి, యాలాలలో మొత్తం 13 గ్రూప్ -1 పరీక్షా కేంద్రాలు ఉన్నాయి. మొత్తం 5468 మంది అభ్యర్థులు పరీక్ష రాయనున్నారు.
పరీక్షా కేంద్రాల దగ్గర ఎలాంటి ఆటంకాలు కలుగకుండా జాగ్రత్తలు తీసుకుంటున్నామన్నారు. పరీక్షా కేంద్రాల దగ్గర 144 సెక్షన్ అమలులో ఉంటుందని, ఎవ్వరూ గుంపులుగా ఉండవద్దని సూచించారు. పోలీస్ అధికారులకు జిల్లావాసులు సహకరించాలన్నారు. అభ్యర్థులకు ట్రాఫిక్ లేదా ఇతర ఏదైనా ఇబ్బంది ఉంటే డయల్ 100కి కాల్ చేసి పోలీస్ అధికారుల సాయం తీసుకోవాలని సూచించారు.