షాద్నగర్టౌన్, జూన్ 9: పాత జాతీయ రహదారితోనే షాద్నగర్ మరింత అభివృద్ధి సాధించనుందని ఎమ్మెల్యే వీర్లపల్లి శంకర్ అన్నారు. షాద్నగర్ పాత జాతీయ రహదారి విస్తరణ పనుల్లో భాగంగా తారు రోడ్డు పనులను ఆదివారం ప్రారంభించారు. ఈ సందర్భంగా ఎమ్మెల్యే మాట్లాడుతూ రోడ్డు విస్తరణ పనులు శరవేగంగా కొనసాగుతున్నాయని, రహదారి నిర్మాణంలో నాణ్యత ప్రమాణాలను పాటించాలని సంబంధిత అధికారులకు సూచించారు.
పాత జాతీయ రహదారి పనులు పూర్తయితే వాహనదారులు తమ రాకపోకలకు ఎలాంటి ఇబ్బంది తలెత్తదన్నారు. షాద్నగర్ ముఖ్యకూడలి నుంచి 4.9కిలో మీటర్ల మేర రూ. 45కోట్లతో రోడ్డు విస్తరణ పనులు చేపట్టినట్లు వివరించారు. కార్యక్రమంలో జడ్పీటీసీ వెంకట్రాంరెడ్డి, కౌన్సిలర్లు కృష్ణవేణి, శ్రీనివాస్, సర్వర్పాషా, నాయకులు బాబర్ఖాన్, శ్రీకాంత్రెడ్డి, బాలరాజ్గౌడ్, తిరుపతిరెడ్డి, జమృత్ఖాన్, రాజేందర్, శ్రీశైలం, విజయ్కుమార్, శ్రీధర్ పాల్గొన్నారు.