కొడంగల్, డిసెంబర్ 13: గత ఉమ్మడి ప్రభుత్వాల పాలనలో గ్రామాలు అనగానే చెత్తకుప్పలు, మురికి కుంటలు మా త్రమే అని ఊహించుకునే పరిస్థితి.. కానీ..సీఎం కేసీఆర్ ప్రభుత్వం ప్రతిష్టాత్మకంగా చేపట్టిన పల్లెప్రగతి కార్యక్రమంతో నేడు గ్రామాల రూపురేఖలు పూర్తిగా మారిపోయి, గ్రామాలు దేశానికి పట్టుకొమ్మలుగా మారాయి. ప్రభు త్వం కేటాయిస్తున్న నిధులను పూర్తిగా సద్వినియోగం చేసుకొని పచ్చదనంతోపాటు అభివృద్ధిపథంలో ముందుకు దూసుకెళ్తున్నాయి.
మండలంలోని అప్పాయిపల్లి గ్రామంలో గతంలో ఎక్కడ చూసినా చెత్తాచెదారం కనిపించేది. తాగునీటి కోసం ప్రజలు ఇ బ్బందులకు గురయ్యేవారు. ప్రస్తుతం అప్పాయిపల్లి ప్రగతిపథంలో ముందున్న ది. గ్రామంలోని అన్ని వార్డుల్లో సీసీరో డ్లు, అండర్ గ్రౌండ్ డ్రైనేజీల నిర్మాణంతోపాటు ఇంటింటికీ మిషన్ భగీరథ నీరు ప్రతిరోజూ సరఫరా అవుతున్నది. హరిత హారం, పల్లెప్రకృతివనంలోని మొక్కలు ఏపుగా పెరిగివనాలుగా మారాయి. అవి సందర్శకులు, రోడ్డుపై రాకపోకలు సాగిం చే వారిని విశేషంగా ఆకట్టుకుంటున్నారు. అంతేకాకుండా పల్లెప్రగతి నిధులతో కొనుగోలు చేసిన ట్రాక్ట ర్ ద్వారా ప్రతిరోజూ పారిశుధ్య కార్మికులు ఇంటింటికీ తిరిగి చెత్తను సేకరించి డంపింగ్ యార్డుకు తరలిస్తున్నారు. అక్క డ ఆ చెత్త నుంచి సేంద్రియ ఎరువును త యారు చేసి..గ్రామంలోని హరితహారం, పల్లెప్రకృతివనంలోని మొక్కలకు వినియోగిస్తున్నారు. గ్రామంలోని ప్రతిఒక్క రూ మరుగుదొడ్లను ఉపయోగిస్తున్నారు. గ్రామంలో జరుగుతున్న అభివృద్ధి పనులపై స్థానికులు హర్షం వ్యక్తం చేస్తున్నారు.
ఊరిలో 1,500 జనాభా ..
ప్రస్తుతం జిల్లాకు మంజూరైన జాతీ య రహదారి 167పై అప్పాయిపల్లి గ్రామం ఉన్నది. ఊరిలో 1,500 జనాభా ఉండగా అందులో 1,000 మంది ఓటర్లు ఉన్నారు. రైతుల సౌకర్యార్థం రూ.22 లక్షలతో రైతువేదిక భవనం, రూ.12 లక్షల తో వైకుంఠధామం, రూ.2 లక్షలతో కం పోస్టు షెడ్డు, 30 గుంటల ప్రభుత్వ స్థ లం లో పల్లె ప్రకృతివనాన్ని ఏర్పాటు చేసి అందులో వివిధ రకాల 1200 మొక్కలను నాటారు. అదేవిధంగా హరితహారం నర్సరీలో పది వేల మొక్కలను పెంచుతున్నట్లు సర్పంచ్ గీతాఠాకూర్ తెలిపారు.
గ్రామాన్ని ఆదర్శంగా తీర్చిదిద్దుతా..
ఎమ్మెల్యే పట్నం నరేందర్రెడ్డి సహకారంతో గ్రామా న్ని ఆదర్శంగా తీర్చిదిద్దు తా. ప్రభుత్వం పల్లెప్రగతి కింద కేటాయించిన నిధులతో పలు అభి వృద్ధి పనులను పూర్తి చేశా. వైకుంఠధా మం, పల్లెప్రకృతివనం, రైతువేదిక నిర్మా ణంతో గ్రామానికి కొత్త కల వచ్చింది. గ్రామాభివృద్ధికి స్థానికులు, అధికారులు, వార్డు సభ్యులు, ప్రజాప్రతినిధు లు సహకరిస్తున్నారు.
– గీతాఠాకూర్, సర్పంచ్, అప్పాయిపల్లి
ఏపుగా పెరిగిన మొక్కలు
పల్లెప్రగతితో గ్రామ రూపురేఖలు మారిపోయాయి. ప్రభుత్వం కేటాయిస్తున్న నిధులతో ఇప్పటికే ట్రాక్ట ర్, రైతువేదిక భవనం, డంపింగ్ యార్డు వంటి పలు అభివృద్ధి పనులను సర్పంచ్, అధికారులు చేపట్టారు. మిషన్ భగీరథ పథకంతో ప్రతిరోజూ ఇంటింటికీ తాగునీరు వస్తున్నది. హరితహారం నర్సరీ, పల్లెప్రకృతివనంలో నాటిన మొక్కలు ఏపుగా పెరిగి సందర్శకులను ఆకట్టుకుంటున్నాయి. రోడ్డుకు ఇరువైపులా నాటిన మొక్కలు కూడా వనంలా పెరిగాయి. –మ్యాతరి చంద్రప్ప, అప్పాయిపల్లి