కోస్గి, నవంబర్ 20 : కోస్గిలో రేపు జరుగనున్న ప్రజాఆశీర్వాద సభకు సీఎం కేసీఆర్ ముఖ్యఅతిథిగా హాజరై ప్రసంగించనున్నారని భూగర్భ వనరులు, గనుల శాఖల మంత్రి మహేందర్రెడ్డి తెలిపారు. సోమవారం కోస్గి పట్టణంలో సభా, హెలిప్యాడ్ స్థలాలను ఆయన పరిశీలించారు. సభకు హాజరయ్యే ప్రజలకు ఎలాంటి ఇబ్బందులు కలుగకుండా చూడాలని నాయకులకు సూచించారు.
భద్రతా విషయాలను అడిగి తెలుసుకున్నారు. బీఆర్ఎస్ ప్రజాఆశీర్వాద సభకు ప్రజలు అధిక సంఖ్యలో హాజరై విజయవంతం చేయాలని పిలుపునిచ్చారు. మంత్రి వెంట గ్రేటర్ మాజీ డిప్యూటీ మేయర్ బాబా ఫసీయుద్దీన్, కౌన్సిలర్లు మాస్టర్ శ్రీను, బాలేశ్, మాధుసూదన్ యాదవ్, నాయకులు వరప్రసాద్, వెంకట్నర్సింహులు, వెంకటయ్య, రాము, సాయిలు, అధికారులు ఉన్నారు.